बी डिभिजन लिगको मिति सर्‍यो

काठमाडौं । अखिल नेपाल फुटबल संघ (एन्फा) को आयोजनामा हुन लागेको शहीद स्मारक बी डिभिजन लिगको मिति सरेको छ । यसअघि माघ १३ गतेबाट सुरु गर्ने भनिएको लिग बी डिभिजन क्लबहरुले समयमा नाम दर्ता नगरेपछि मिति सारिएको एन्फाले जनाएको छ  ।

एन्फा पदाधिकारी र बी डिभिजन क्लबका पदाधिकारीहरुबीच बिहीबार भएको छलफलपछि फागुन २५ गतेदेखि बी डिभिजन लिग सुरु गर्न क्लबहरु सहमत भएको एन्फाले जनाएको छ ।

एन्फाले भनेको छ, ‘एन्फा तथा बी डिभिजन क्लबहरूबीच भएको पुस ४ गते भएको छलफलपछि शहिद स्मारक बी डिभिजन लिग २०८१ प्रतियोगिताको आवश्यक तयारी लगायतका लागि थप समय आवश्यक भएकोले प्रतियोगिता फागुन २५ गतेबाट सुरु गर्ने सहमति बनेको छ ।’