झापाको अर्जुनधारा र जापानको तोनो सिटीबीच भगिनी सम्बन्ध, समझदारी पत्रमा हस्ताक्षर

अर्जुनधारा, ४ पुस । झापाको अर्जुनधारा नगरपालिका र जापानको तोनो सिटी नगरपालिकाबीच भगिनी सम्बन्ध स्थापित गरेर अगाडि बढ्ने प्रतिबद्धतासहित समझदारी पत्रमा हस्ताक्षर भएको छ ।

आज अर्जुनधारा नगरपालिका आएको जापनको टोनो सिटी नगरपालिकाका मेयर काजुहिको ताडा र अर्जुनधारा नगरपालिकाका मेयर बलदेवसिंह गोम्देन तामाङले समझदारी पत्रमा हस्ताक्षर गर्नुभएको छ । नगर प्रमुख बलदेवको मैत्रिपूर्ण निमन्त्रणामा जापानको तोनो सिटीका मेयर ताडासहितको ११ जनाको टोली दुई दिने भ्रमणका लागि अर्जुनधारा नगरपालिका आएको छ ।

झापा क्षेत्र नं. २ का संघीय सांसद तथा प्रतिनिधि सभाका सभामुख देवराज घिमिरे समेतको नगरपालिका भएको हुनाले विशेष महत्वका साथ संघीय सरकारसँग पनि समन्वयात्मक कार्यक्रमहरू गर्ने प्रतिवद्धता दुवै मेयरहरूले गरेका छन् । जापनको टोलीमा मेयर काजुहिको ताडासहित डाइरेक्टर अफ इन्डस्ट्रि डिपार्टमेन्ट मानमी सासाकी, इन्डस्ट्रि प्लानिङ डिभिजन चिफ इग्जानमिनर यासुहिको कुराउची, चेरमेन अफ सिटी काउन्सिल तसुतोमु ताडा, भाइस शेयरमेन अफ द स्टान्डीङ कमिटी अन इन्डस्ट्रि एण्ड कन्टक्शन हिरोसी किकोची, स्टान्डीङ कमिटी मेम्बर फर इन्डस्ट्रि एण्ड कन्टक्शन योसियुकी किकुची, प्रेसिडेन्ट एण्ड सिइओ अफ सुकुभा प्रिसिजन यासुसी किकुचीलगायतको टोली अर्जुनधारा नगर आएको छ ।

अर्जुनधारा नगरले जापनको तोनो सिटीका मेयरसहित टोलीलाई नौमती बाजासहित स्वागत गरेको थियो भने उक्त टोलीलाई नेपालको सांस्कृति झल्कने सांस्कृतिक कार्यक्रम गरेर मनोरन्जनसमेत प्रदान गरिएको छ । जापनको टोली र अर्जुनधारा नगरबिच कृषि र स्वास्थ्य क्षेत्र साथै विभिन्न क्षेत्रसँग सहकार्य गरेर अगाडी बढ्ने समझदारी भएको जनाइएको छ ।

The post झापाको अर्जुनधारा र जापानको तोनो सिटीबीच भगिनी सम्बन्ध, समझदारी पत्रमा हस्ताक्षर appeared first on Jhapa Online.