किलाबहा: मिसा पुच: द्वारा कुमार कुमारी पूजा

काठमाडाैं ।

काठमाडौं जैसीदेवलस्थित किलाबहास् मिसा पुच:को आयोजनामा बृहत् कुमार र कन्या कुमारी पूजा सम्पन्न गरिएको छ।

शनिवार काठमाडौं महानगर पालिका वडा नं २१ मा रहेको किलाबहास् मा बृहत् बृहत् कुमार र कन्या कुमारी पूजा गरिएको हो ।

विभिन्न स्थानका ब्रतबन्ध र सूर्य दर्शन नगरिएका ९१ बालबालिकाहरुलाई सामुहिक रुपमा पूजा तथा खाद्य बस्तु दान दक्षिणा गरी उक्त विधि सम्पन्न गरिएको हो।

यस्तो कार्यक्रम विभिन्न समयमा विभिन्न स्थानमा हुने गरेपनि यसपटक किलाबहास् मिसा पुच:को सक्रियतामा सम्पन्न गरिएको छ । नेवार समुदायको परम्परागत मान्यता अनुसार कुमार र कन्या कुमारी पूजा गर्नाले बालबालिकाहरुलाई शुभ हुने जनविश्वास रहेको किलाबहा:मिसा पुच: की अध्यक्ष संगिता रञ्जितले बताइन्।