तेलङ्गानामा दुर्घटना : तालमा कार खस्यो, पाँच जनाको मृत्यु

नयाँ दिल्ली । भारतको दक्षिणी राज्य तेलङ्गाना राज्यमा कार तालमा खस्दा कम्तीमा पाँच जनाको मृत्यु हुनुको साथै एकजना घाइते भएको पुष्टि भएको छ ।

दुर्घटना यादद्री भुवनगिरि जिल्ला जलालपुर नजिकै शनिबार भएको हो । चालकले गाडीमाथि नियन्त्रण गुमाएकाले दुर्घटना भएको देखिएको भारतीय प्रहरीले जनाएको छ ।

तेलङ्गानाको राजधानी हैदरावादबाट भुदन पोचमपल्ली क्षेत्रमा निकै तीव्र गतिमा गुडिरहेको कार दुर्घटनामा परेको बताइएको छ ।

प्रहरीका अनुसार पाँचै जनाको शव निकालिएको छ भने घाइतेलाई स्थानीय अस्पतालमा भर्ना गरिएको छ ।