पोखराविरुद्ध टस जितेर पहिले ब्याटिङ गर्दै विराटनगर

काठमाडौं । जारी नेपाल प्रिमियर लिग (एनपीएल) क्रिकेटमा आज पनि २ खेल हुँदैछन् ।

कीर्तिपुरको त्रिवि मैदानमा मंसिर १५ गतेदेखि जारी प्रतियोगिताको पहिलो खेलमा पोखरा एभेन्जर्स र विराटनगर किङ्स आमने–सामने हुँदैछन् । यो खेल बिहान ९ बजे सुरु हुनेछ ।

पोखराको कप्तानी नेपाली राष्ट्रिय टोलीका ओपनिङ ब्याटर कुशल भुर्तेलले तथा विराटनगरको पूर्वकप्तान तथा लेग स्पिनर सन्दीप लामिछानेले गर्नेछन् ।

यसैबीच विराटनगरका कप्तान सन्दीपले टस जितेर पहिले ब्याटिङ गर्ने निर्णय लिएका छन् ।

आजै हुने दोस्रो खेलमा काठमान्डु गुर्खाज र जनकपुर बोल्ट्स भिड्ने छन् । काठमान्डुको कप्तानी करण केसीले तथा जनकपुरको अनिलकुमार साहले गर्नेछन् ।

प्लेअफ सम्भावना कायमै राख्न जित्नैपर्ने दबाबबीच एक-अर्काविरुद्ध भिड्दै पोखरा र विराटनगर