झापाली सांसद विश्वप्रकाश शर्माले चढे लोबुचे हिमाल

झापा, २९ मंसिर । नेपाली कांग्रेसका महामन्त्री एवम् झापा क्षेत्र नं. १ का सांसद विश्वप्रकाश शर्माले लोबुचे हिमाल आरोहण गरेका छन्।

संसद दिवसको अवसर पारेर महामन्त्री शर्माले ६ हजार १४५ मिटर उचाईको लोबुचे हिमाल आरोहण गरेका हुन्। मंसिर २८ गते शुक्रबार बिहान पौने ७ बजे महामन्त्री शर्मासँगै ५ जना युवाले पनि हिमाल सफल आरोहण गरेका छन्। हिमाल आरोहणको सन्देश जलवायु परिवर्तनले नेपालको हिमाली क्षेत्रमा पारेको प्रभाव, हिमालहरूमा पुर्याएको असरबारे अध्ययन गरी संसद, सरकार र विश्वको ध्यानाकर्षण गराउनु रहेको महामन्त्री शर्माले बताए ।

The post झापाली सांसद विश्वप्रकाश शर्माले चढे लोबुचे हिमाल appeared first on Jhapa Online.