प्रेमीसँग छुट्टी मनाउँदै तृप्ति डिमरी

काठमाडौं । बलिउड अभिनेत्री तृप्ति डिमरी अहिले आफ्नो सम्बन्धका कारण चर्चामा छिन् ।

यसैबीच अभिनेत्री आफ्नो प्रेमी साम मर्चेन्टसँग नयाँ वर्षमा छुट्टी मनाउन गएको खबर छ ।

उनले आफ्नो छुट्टीको धेरै तस्वीर र भिडिओहरू सामाजिक सञ्जालमा सेयर गरेकी छन् ।

यी तस्वीरमा तृप्तिसँग एक व्यक्ति देखिएका छन् । यो देखेर सामाजिक सञ्जाल प्रयोगकर्ताहरूले तस्वीरमा देखिएका व्यक्ति अभिनेत्रीका प्रेमी साम मर्चेन्ट हुनसक्ने अनुमान गरेका छन् ।

तृप्ति फिनल्याण्डमा बिदा मनाइरहेकी छिन् । सामाजिक सञ्जालमा फोटो र भिडिओ सेयर गर्दै उनले लेखेकी छन्, ‘आज मेरो जीवनको सबैभन्दा खुसीको अध्याय हो ।’

भिडिओमा अभिनेत्री रातो रंगको पोशाक र टोपी लगाएर हिउँसँग खेल्दै देखिएकी छन् । तृप्तीको यो भिडिओलाई सामाजिक सञ्जालमा निकै रुचाइएको छ ।

तृप्ती र सामको सम्बन्धलाई लिएर धेरै पटक चर्चामा आएका छन् । साम एक मोडल हुन् । मोडल हुनुका साथै साम एक व्यवसायी पनि हुन् । साम गोवास्थित कासावार्टर्स र एव्रे गोवा फर्मका मालिक हुन् ।