बोलेरो र अटो ठोक्किँदा एक जनाको मृत्यु, तीन घाइते

झापा।

झापामा बोलेरो र अटो आपसमा जुध्दा एक जनाको मृत्यु भएको छ। मृत्यु हुनेमा बुद्धशान्ति गाउँपालिका-४ की २७ वर्षीया अमृता तामाङ रहेकी छिन्।

बुद्धशान्ति गाउँपालिका-४ हापेन चोकमा सोमबार बिहान प्र.१-०१-००१ ज ३८५१ नम्बरको बोलेरो र प्र.१-०१-००२ ह ३६३ नम्बरको अटो ठोक्किँदा उनी गम्भीर घाइते भएकी थिइन्।

प्रहरीका अनुसार दुर्घटनामा गम्भीर घाइते भएकी उनको प्रादेशिक अस्पताल भद्रपुरमा उपचारको क्रममा मृत्यु भएको हो।

साथै दुर्घटनामा घाइते भएका बोलेरो चालक र अटोमा सवार दुई जना घाइते छन्। उनीहरूलाई उपचारको लागि बिएण्डसी अस्पताल बिर्तामोड पठाइएको छ। अटो चालकलाई प्रहरीले नियन्त्रणमा लिएको छ।