बागमतीविरुद्ध मधेस सस्तैमा अलआउट

काठमाडौं । महिला प्रधानमन्त्री कप क्रिकेटमा मधेस प्रदेशले बागमतीलाई ४१ रनको लक्ष्य दिएको छ ।

धनगढीस्थित फाप्ला क्रिकेट मैदानमा जारी खेलमा मधेस १५.५ ओभरमा ४० रन बनाएर अलआउट भएको हो ।

मधेसका लागि कप्तान सरस्वती कुमारी र साक्षी यादवले ६–६ रन बनाइन् । मधेसका कुनै पनि खेलाडीले दोहोरो अङ्कको रन बनाउन सकेनन् ।

बागमतीका लागि कञ्चना श्रेष्ठले ४ विकेट लिइन् । उनले २ पटक एकै ओभरमा २ विकेट लिएकी हुन् ।

विपिशा शाहीले २ तथा मनिषा उपाध्याय र सानु खड्काले १–१ विकेट लिइन् ।

टस जितेर बागमतीले पहिले बलिङ रोजेको हो ।