संकटाले सभापति कपको उपाधि जित्दा जे देखियो

काठमाडौं। टाइब्रेकरमा आयोजक लोकतान्त्रिक खेलकुद संघ बागमती प्रदेश (बागमती) लाई पराजित गर्दै ए डिभिजन लिग क्लब संकटाले सभापति कपको उपाधी जितेको छ।

त्रिपुरेश्वरस्थित दशरथ रंगशालामा बिहीबार सम्पन्न फाइनल खेलमा संकटाले ४–३ ले जित हात पारेको हो । निर्धारित ९० मिनेटको खेल गोलरहित बराबरीमा सकिएसँगै खेल टाइब्रेकरमा पुगेको हो ।

टाइब्रेकरमा संकटाले ४–३ ले बाजी मार्दै उपाधिसँगै संकटाले २६ लाख रुपैयाँ हात पार्‍यो। आयोजक बागमतीले भने १३ लाख रुपैयाँमा चित्त बुझायो। संकटाका राम थापा र रोशन पहारीको प्रहार विकेश कुथुले रोके। तर, लक्ष्छु थापा, साम कार्लोस, दीप कार्की र सुनिल खड्काले गोल गरे।

बागमतीका नवीन लामा, फोडे फोफना र सेन्जल एलेक्सले मात्रै गोल गर्न सके। कुलदीप कार्की र गौरव श्रेष्ठको प्रहार गोलरक्षक दीप कार्कीले रोके। रजत तिवारीको प्रहार माथिल्लो बारबाट बाहिरियो।

प्रतियोगिताको विजेता र उपविजेतालाई डालोमा हालेर नगदै पुरस्कार प्रदान गरिएको थियो।