आफ्नो र पार्टीको हारमा के भन्छन् अरविन्द केजरीवाल ?

काठमाडौं । दिल्लीका पूर्व मुख्यमन्त्री तथा आम आदमी पार्टीका राष्ट्रिय संयोजक अरविन्द केजरीवालले विधानसभा चुनावमा आफ्नो पार्टीको हार स्वीकार गरेका छन् ।

एक भिडिओ सन्देशमा उनले भने, “जनताको निर्णय हामीलाई स्वीकार्य छ । हामी हाम्रो हारलाई पूर्ण विनम्रताका साथ स्वीकार गर्छौं । म भाजपालाई बधाई दिन्छु र आशा गर्छु कि उनीहरूले जनताले उनीहरूलाई जुन अपेक्षाका साथ निर्वाचित गरेका छन्, त्यो पूरा गर्नेछन् ।”

केजरीवालले अगाडि भने, “जनताले दिएको १० वर्षको अवसरमा हामीले धेरै काम गर्ने प्रयास गर्यौं । हामीले शिक्षा, स्वास्थ्य, पानी र पूर्वाधारमा सुधार गर्ने प्रयास गर्यौं । हामी भविष्यमा पनि जनताको लागि काम गरिरहनेछौं र रचनात्मक प्रतिपक्षको भूमिका खेल्नेछौं ।”

आम आदमी पार्टीका कार्यकर्ताहरूलाई बधाई दिँदै उनले भने, “धेरै कठिनाइहरूको सामना गर्नुपर्दा पनि तपाईंहरूले धेरै राम्रो तरिकाले चुनाव लड्नुभयो । तपाईंले धेरै कडा परिश्रम गर्नुभयो ।”

दिल्ली विधानसभा चुनाव : अरविन्द केजरीवाल पराजित