विपद् प्राधिकरणको कार्यकारी प्रमुखका लागि ३ जनाको नाम सिफारिस

काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणको कार्यकारी प्रमुखका लागि ३ जनाको नाम सिफारिस भएको छ ।

कार्यकारी प्रमुख नियुक्तिका लागि सिफारिस गर्न गठित सिफारिस समितिले अन्तरवार्तामा सहभागि भएका ५ जनामध्ये  ३ जनाको नाम सिफारिस गरेको हो ।

सूची अनुसार सिफारिसको पहिलो नम्बरमा दिनेशप्रसाद भट्ट, दोस्रो नम्बरमा सुमनकुमार कर्ण र तेस्रो नम्बरमा मन्दिप सुवेदी रहेका छन् ।

सिफारिस भएका ३ जनामध्ये १ जनालाई मन्त्रिपरिषद् बैठकले कार्यकारी प्रमुख नियुक्त गर्नेछ ।

प्राधिकरणले  गत मंसिर १४ मा  कार्यकारी प्रमुख नियुक्तिका लागि दरखास्त आह्वानसम्बन्धी सूचना निकालेको थियो ।

प्राधिकरणको कार्यकारी प्रमुख पाँच वर्षका लागि नियुक्त हुने व्यवस्था छ ।