कनकाई–८ मा सुरक्षित वैदेशिक रोजगार अन्तरक्रिया : दैनिक १५ सय विदेशिँदै, ३ जना बाकसमा फर्किँदै

चन्द्र बस्नेत
कनकाई, १७ फागुन । सुरक्षित वैदेशिक रोजगार सुनिश्चित तथा प्रवासीहरुको दिगो स्थानीय पुनर्स्थापना प्रवर्द्धन परियोजना सम्बन्धि एक दिवसीय अन्तरक्रिया कार्यक्रम झापाको कनकाईमा सम्पन्न भएको छ।

कनकाई वडा न ८ को आयोजना कनकाई नगरपालिकाको संयोजन तथा कारितास जापानको आर्थिक सहयोगमा शुक्रबार आज कनकाई नगरपालिका ८ स्थित लक्ष्मीपुरमा रहेको जेष्ठ नागरिक भवनमा सुरक्षित वैदेशिक रोजगार सुनिश्चित तथा प्रवासीहरुको दिगो स्थानीय पुनर्स्थापना प्रवर्द्धन परियोजना सम्बन्धि अन्तरक्रिया कार्यक्रम सम्पन्न भएको हो।

कनकाई वडा न ८ का वडा अध्यक्ष लिलाबहादुर कटुवालको सभापतित्वमा भएको छलफल तथा अन्तरक्रिया कार्यक्रममा कार्यपालिका सदस्य वडाका जनप्रतिनिधि वडाका टोलविकास संस्थाका अध्यक्ष सहित पदाधिकारी , विभिन्न संघ सस्थाका प्रमुख तथा प्रतिनिधि क्लब, वैदेशिक रोजगारबाट फर्किएका युवा , वैदेशिक रोजगारमा गएका परिवार लगायत ५० बढीको सहभागितामा छलफल तथा अन्तरक्रिया कार्यक्रम गरेको हो ।

कार्यक्रममा बोल्दै वडा अध्यक्ष कटुवालले वडा क्षेत्रका हरेक नागरिक वडाको सम्पत्ति भएको भन्दै वडामा युवा पुस्तालाई योग्य र शीपालु बनाउन सक्दो मद्धत गर्ने बताउँनुभयो । मानिसमा श्रमप्रतिको गलत सोचाईलाई परिवर्तन गर्नसकेमात्रै देश विकास हुने भन्दै कुनैपनि काम ठुलो सानो नहुने भन्दै श्रमप्रतिको सोच्ने र हेर्ने दृष्टिकोण बदल्न जरुरी बनिसकेको बताउ्नुभयो ।

रोजगारीका लागि विदेशनै जानुपर्छ भन्ने गलत भाष्य देशमा निर्माण भइरहेको भन्दै यसप्रकारको सोचाईलाई बदल्नुपर्ने बताउनुभयो । उहाँले भरसक विदेश रोजगारीका लागि नजान र जानैपर्ने भएमा कम्तीमा आधारभुत तहको ज्ञानसीप सिकेर राम्ररी जानकारी लिएर मात्रै जान सहभागिलाई अनुरोध समेत गर्नुभएको थियो ।

सहभागीहरुले हरके दिन १५ सय युवा विदेशमा रोजगारीका लागि गइरहेको र गएका मध्ये ३ वटा शव वाकसमा समेत आइरहेको भन्दै स्वेदशमै केहि कर्म गर्नका लागि सबैले अभिप्रेरित गर्नुपर्नेमा जोड दिएका थिए । प्रयास प्रारम्भका निर्देशक लोकप्रिय खनालले सहजीकरण कारितास नेपालका वरिष्ठ सामाजिक परिचालक विवेक शिवाकोटीले स्वागत गरेको कार्यक्रमको सञ्चालन कारितास नेपालका तानसाङ्ग नेम्वाङले गर्नुभएको थियो ।

The post कनकाई–८ मा सुरक्षित वैदेशिक रोजगार अन्तरक्रिया : दैनिक १५ सय विदेशिँदै, ३ जना बाकसमा फर्किँदै appeared first on Jhapa Online.