तरकारीको झोलाभित्र ब्राउनसुगर, भद्रपुरबाट समातिए माई र बिर्तामोड दुई युवा

भद्रपुर, ११ चैत । झापाको भद्रपुर नगरपालिका–५ स्थित मेची पुलबाट दुई युवालाई लागुऔषध ब्राउनसुगरसहित दुई युवालाई प्रहरीले पक्राउ गरेको छ ।

पक्राउ पर्नेमा इलामको माई नगरपालिका–५ का ३३ वर्षीय भुपेन्द्र लावती र बिर्तामोड–५ का २३ वर्षीय राजिब चौधरी रहेका छन् । आज बेलुका भद्रपुर नगरपालिका–५ मेचीबिट स्थित मेचीबिटबाट खटिएको प्रह भोला खडकाको टोली र लागुऔषध नियन्त्रण ब्युरो शाखा कार्यालय काँकरभिट्टाबाट खटिएको संयुक्त प्रहरी टोलीले चेकजाँच गर्ने क्रममा भारतबाट नेपालतर्फ आउँदै गरेको मे ६ प ९९७७ नम्बरको मोटरसाइकल चालक लावती र सोही मोटरसाइकल पछाडि सवार चौधरीले बोकेको तरकारी झोलाभित्र प्लाष्टिकको पोका पारी लुकाई छिपाई ल्याउँदै गरेको ब्राउनसुगर प्लाष्टिकसहित ९ ग्राम १९ मिलिग्राम र प्लाष्टिक बाहेक ९ ग्राम ०१ मिलिग्राम फेला पारेको हो । उनीहरुलाई मोटरसाइकलसहित नियन्त्रणमा लिएर वडा प्रहरी कार्यालय भद्रपुरमा राखिको छ ।

The post तरकारीको झोलाभित्र ब्राउनसुगर, भद्रपुरबाट समातिए माई र बिर्तामोड दुई युवा appeared first on Jhapa Online.