झापाको कचनकवलका तीन घरमा चोरी

बनियानी, २५ चैत । झापाको कचनकवल गाउँपालिका–४ स्थित केचनामा अष्टजाम संकीर्तन समारोह भइरहेको समयमा तीन घरमा चोरी भएको छ। आइतबार राति करिब ९ बजेको समयमा सुनसानको फाइदा उठाउँदै चोरहरूले घरमा पसेर लाखौंको धनमाल चोरेका हुन्।

पण्डित प्रदीप भण्डारीको घरबाट ३ तोला सुन र भारतीय रुपैयाँ २५ हजार, टक खनालको घरबाट सुनको सिक्री र नगद २० हजार रुपैयाँ र लक्ष्मी चौहानको घरमा रहेका सामान छरपस्ट पारी चोर फरार भएको स्थानीयले जनाएका छन् ।

घटनाको समयमा गाउँमा अष्टजाम संकीर्तनको भीडभाड रहेको र घरहरू सुनसान भएको कारण चोरले मौकाको फाइदा उठाएका छन् ।

The post झापाको कचनकवलका तीन घरमा चोरी appeared first on Jhapa Online.