नीति तथा कार्यक्रमबारे प्रचण्डलाई प्रधानमन्त्रीको जवाफ – त्यसो नगरे हुन्थ्यो

काठमाडौं । प्रधानमन्त्री केपी शर्मा ओलीले नीति तथा कार्यक्रममाथि प्रतिपक्षी दलका नेता तथा सांसदले टिप्पणीभन्दा पनि गालीगलौजको भाषा बोलेको बताएका छन् ।

प्रतिनिधि सभामा नीति तथा कार्यक्रममा सांसदले उठाएका प्रश्नको जवाफ दिने क्रममा उनले यस्तो बताएका हुन् ।

ओलीले भने, “नीति तथा कार्यक्रममा टिप्पणी गर्नेमा विपक्षी दलका नेता तथा सांसदले टिप्पणीभन्दा पनि गालीगलौजको भाषा प्रयोग गर्नु भएको थियो । म त्यता पनि जान चाहन्नँ । ऐना अगाडि राख्ने, त्यहाँ हेर्ने यस्तो रैछन् उस्तो रैछस् भनेर गाली गर्ने ? त्यसमा मलाई केही भन्नुपर्छ जस्तो लाग्दैन ।”

मा‌‌ओवादी केन्द्रका अध्यक्ष पुष्पकमल दाहाल प्रचण्डको नाम नलिई उनले थपे, “त्यसो नगरे हुन्थ्यो । म सवाल जवाफमा जान चाहन्नँ ।”