रेइम्सलाई हराउँदै पीएसजीले जित्यो फ्रेन्च कप, ट्रेबलको सम्भावना कायम

काठमाडौं । पेरिस सेन्ट-जर्मेन (पीएसजी) ले फ्रेन्च कपको उपाधि जित्दै ट्रेबल (तीन उपाधि) जित्ने संम्भावना कायम गरेको छ । लिग वान च्याम्पियन पीएसजीले रेइम्सलाई हराउँदै फ्रेन्च कपको उपाधि जितेको हो ।

अप्रिलको अन्त्यमा लिगको उपाधि जितेको पीएसजीले रेइम्समाथि जित हासिल गर्दै घरेलु डबल (दुई उपाधि) पूरा गरेको छ ।

खेलमा ब्राडली बार्कोलाले तीन मिनेटभित्र दुई गोल गर्दै पीएसजीलाई अग्रता दिलाए । उनले १६ औं मिनेटमा पहिलो गोल गरे भने लगत्तै दोस्रो गोल गर्दै पीएसजीलाई बलियो स्थितिमा पुर्‍याए । हाफ-टाइम अघि अचरफ हाकिमीले क्रसलाई पोस्टमा परिणत गर्दै स्कोर ३-० बनाए ।

दोस्रो हाफमा ओस्मान डेम्बेलेले थप गोल गर्ने केही अवसर पाए पनि पीएसजीले आफ्नो तीन गोलमा थप गर्न सकेन ।

अब पीएसजी अर्को शनिबार म्युनिखमा इन्टर मिलानविरुद्ध च्याम्पियन्स लिगको फाइनलमा खेल्दैछ । यदि पीएसजीले च्याम्पियन्स लिगको उपाधि जित्न सकेमा घरेलु लिग, घरेलु कप र युरोपियन कप गरी ट्रेबल जित्ने ११ औं क्लब बन्नेछ । हालसम्म १० क्लबले मात्र यो उपलब्धि हासिल गरेका छन् ।