सामान्य प्रशासन मन्त्रालयमा कर्मचारीको धर्ना

काठमाडौं । निजामती कर्मचारी विधेयकमा आफ्ना मागहरू पूरा नभएको भन्दै कर्मचारीहरूले सिंहदरबारस्थित संघीय मामिला तथा सामान्य प्रशासन मन्त्रालयमा धर्ना दिएका छन् ।

प्रतिनिधिसभाको राज्य व्यवस्था तथा सुशासन समितिमा निजामती विधेयकमाथि सहमति जुटिसकेको छ । उपसमितिमार्फत विधेयकमा सहमति जुटेपछि कर्मचारीहरू भने आफ्ना मागहरू नसमेटिएको भन्दै धर्नामा उत्रिएका हुन् । उनीहरूले खरिदार र नायवसुब्बा स्तरका कर्मचारीको मागबारे विधेयकमा सम्बोधन नगरिएको बताएका छन् ।

यसअघि सेवानिवृत्त भएको दुई वर्षसम्म अर्को नियुक्ति लिन नपाइने गरी ‘कुलिङ अफ पिरियड’ को व्यवस्था विधेयकमा गरिएपछि मुख्य सचिव र सचिवहरूले सभामुख र राष्ट्रियसभा अध्यक्षलाई भेटेर सो व्यवस्था हटाउन लबिङ गरेका थिए ।