एअर इन्डियाको विमानमा खराबी, यात्रुहरूलाई ओरालियो

काठमाडौं । अमेरिकाको सान फ्रान्सिस्कोबाट भारतको मुम्बईका लागि उडेको एअर इन्डियाको उडानमा प्राविधिक समस्या आएको छ ।

स्थानीय समयअनुसार मंगलबार बिहान कोलकाता विमानस्थलमा यात्रुहरूलाई ओराल्नुपरेको थियो ।

उडान नम्बर AI180 कोलकाता हुँदै मुम्बई जाँदै थियो । बोइङ ७७७-२००LR (वर्ल्डलाइनर) विमान जुन १७ मा स्थानीय समयअनुसार बिहान १२:४५ बजे समयमै कोलकाता आइपुग्यो । यो बिहान २:०० बजे मुम्बईको लागि प्रस्थान गर्ने तालिका थियो ।

भारतीय सञ्चारमाध्यमकाअनुसार विमानको बायाँ इन्जिनमा प्राविधिक गडबडीका कारण उडान ढिलो भएको थियो । त्यसपछि बिहान ५:२० बजेतिर क्याप्टेनले यात्रुहरूलाई विमानबाट ओर्लन भनेका थिए । उनले उडान सुरक्षालाई ध्यानमा राखेर यो निर्णय गरिएको बताए ।

दुई दिनमा चार बोइङ विमानमा समस्या

जुन १६ : सोमबार हङकङबाट दिल्ली आउने एउटा उडान र दिल्लीबाट राँची जाने एअर इन्डियाका दुई उडानहरू फिर्ता गर्नुपरेको थियो ।

पहिलो उडान: हङकङबाट दिल्ली आउँदै गरेको एअर इन्डियाको उडान (नम्बर AI315) फर्कियो । यसमा प्राविधिक गडबडी थियो । यो उडान बोइङ ७८७-८ ड्रीमलाइनरको थियो ।

दोस्रो उडान: दिल्लीबाट राँचीका लागि उडेको एअर इन्डिया एक्सप्रेसको उडान शंकास्पद प्राविधिक समस्याका कारण उडान भरेको केही समयपछि नै दिल्ली फर्काइएको थियो । बोइङ ७३७ म्याक्स ८ विमान साँझ ६:२० बजे राँचीको बिरसा मुण्डा विमानस्थलमा अवतरण गर्ने तालिका थियो ।

जुन १५: आइतबार भारत आउँदै गरेका दुई बोइङ ड्रीमलाइनर विमानहरू बीच बाटोमै फर्किए । यीमध्ये एउटा उडान लन्डनबाट चेन्नई र अर्को जर्मनीको फ्र्याङ्कफर्टबाट हैदराबाद आउँदै थियो । दुवै सोमबार अवतरण गर्ने तालिका थियो ।

पहिलो उडान: चेन्नई आउँदै गरेको ब्रिटिश एअरवेजको बोइङ ७८७-८ ड्रीमलाइनर प्राविधिक गडबडीका कारण फिर्ता गर्नुपर्‍यो ।

दोस्रो उडान: लुफ्थान्सा एअरलाइन्स (जर्मनी) को बोइङ ७८७-९ ड्रीमलाइनरलाई बमको धम्की प्राप्त भयो । जसका कारण विमानलाई अवतरण गर्ने अनुमति मिलेन र फर्कनुपर्‍यो ।