चीनमा बाढीको कहर: ८० हजारभन्दा बढी विस्थापित, चरम मौसमले जनजीवन प्रभावित

काठमाडौं ।

चीनको दक्षिणपश्चिम गुइझोउ प्रान्तमा आएको भीषण बाढीका कारण करिब ८० हजार ९ सय मानिसलाई सुरक्षित स्थानमा सारिएको छ। भत्किएको पुलबाट एक ट्रक चालकलाई नाटकीय रूपमा उद्धार गरिएको छ।

भारी वर्षाले गाउँहरू डुबानमा परेका छन् भने फुटबल मैदानसमेत पानीमुनि डुबेको छ। उद्धारकर्ताहरूले डुङ्गा र हिलोमा बासिन्दाहरूलाई सुरक्षित स्थानमा सारिरहेका छन्।

टाइफुन वुटिप र चरम मौसमी अवस्थाका कारण अन्य क्षेत्रहरूमा पनि हजारौँ मानिस विस्थापित भएका छन्। मौसम विज्ञान विभागले पहाडी बाढीको रातो चेतावनी जारी गर्दै सतर्कता अपनाउन आग्रह गरेको छ।

वैज्ञानिकहरूका अनुसार जलवायु परिवर्तन र हरितगृह ग्यास उत्सर्जनले यस्ता चरम घटनाहरू तीव्र र बारम्बार बनाएका छन्। चीनले २०६० सम्ममा कार्बन उत्सर्जन शून्यमा ल्याउने लक्ष्य लिएको छ।