आगामी भदौ २७ गतेबाट अभिमन्यु’

आगामी भदौ २७ गतेबाट प्रदर्शनमा आउन लागेको फिल्म ‘अभिमन्यु’का मुख्य अभिनेता कामेश्वर चौरासियाको क्यारेक्टर पोस्टर सार्वजनिक गरिएको छ । नीलो रंगमा तयार पारिएको पोस्टरमा कामेश्वर विराटनगर जिल्ला कारागार अगाडि चिच्याएको अवस्थामा प्रस्तुत छन् । उनी कारागारबाट मुक्त भएपछि खुसीले चिच्याएको हुनसक्ने अनुमान पोस्टरबाट लगाउन सकिन्छ ।

कीर्तिमानी फिल्म ‘पूर्णबहादुरको सारङ्गी’का निर्माता विनोद पौडेलको निर्माण रहेको फिल्ममा कामेश्वरसहित सरिता गिरी, गौमाया गुरुङ, लक्ष्मी बर्देवा शिशिर वाङ्देल, किरण श्रेष्ठ, प्रकाश दाहाल, सुष्मा निरौला लगायतको अभिनय छ । यो फिल्म नेपाली र हिन्दी भाषामा रिलिज हुनेछ । असोज ६ गतेलाई हिन्दी भर्सनको प्रदर्शन मिति तय गरिएको छ ।

सुशान्त गौतमको निर्देशनमा बनेको फिल्ममा मुकेश खनालको लेखन, शरद महतोको डीओपी तथा मदन घिमिरे सम्पादन रहेको छ । फिल्मको निर्माणमा विनोदलाई गुञ्जन गिरीले सघाएकी छन् । सह(निर्मातामा रमेश चौलागाई र हरि श्रेष्ठ रहेका छन् । पैसाको प्रलोभनले चक्रव्यूहमा फस्ने र त्यहाँबाट उम्किन खोज्ने व्यक्तिको संघर्षको कथामा फिल्म बनेको जनाइएको छ ।

The post आगामी भदौ २७ गतेबाट अभिमन्यु’ appeared first on Jhapa Online.