ट्विटरको नयाँ सीईओमा पराग अग्रवाल नियुक्त, सह-संस्थापक ज्याक डोर्सीले दिए राजीनामा

माइक्रोब्लगिङ वेबसाइट ट्विटरका सह-संस्थापक ज्याक डोर्सीले सोमबार कम्पनीको प्रमुख कार्यकारी अधिकृत (सीईओ) पदबाट राजीनामा दिएका छन् । यसपछि कम्पनीको सञ्चालक समितिले प्रमुख प्रविधि अधिकृत (सीटीओ) पराग अग्रवाललाई कम्पनीको नयाँ सीईओमा नियुक्त गरेको घोषणा गरेको छ ।

डोर्सीले एक विज्ञप्तिमा भने, "मैले ट्विटर छोड्ने निर्णय गरेको छु किनभने मलाई विश्वास छ कि कम्पनी अब आफ्ना संस्थापकहरूबाट अघि बढ्न तयार छ।" अग्रवालका सम्बन्धमा डोर्सीले सिइओका रूपमा परागप्रति विश्वास रहेको बताए । विगत १० वर्षमा यहाँ पराग अग्रवालको काम असाधारण छ।

यसबारे अग्रवालले भने, ‘म र मेरो नेतृत्वमा विश्वास गरेकोमा म बोर्डलाई धन्यवाद दिन चाहन्छु । म ज्याकलाई उहाँको निरन्तर सल्लाह, समर्थन र सहभागिताको लागि कृतज्ञ छु। म ज्याक डोर्सीको नेतृत्वमा कम्पनीले हासिल गरेका उपलब्धिहरू बाट अझ माथी लान  तत्पर छु।

अग्रवालले भने, ‘अहिले सारा विश्वले हामीलाई हेरिरहेको छ । आजको समाचारलाई लिएर मानिसहरुले फरक फरक धारणा देखाउनेछन् । हामी निरंतर ट्विटरलाई अघि बढाउने कोसीस गर्ने छौ।

ट्विटरमा आउनुअघि पराग अग्रवालले याहू, माइक्रोसफ्ट र एटीएन्डटी जस्ता प्रमुख अमेरिकी कम्पनीहरूसँग काम गरिसकेका छन्। 

विश्वमा भारतीय मूलका शीर्ष सीईओहरू :
1. अरविन्द कृष्ण - सीईओ, आईबीएम समूह
2. सुन्दर पिचाई - सीईओ, गुगल र अल्फाबेट आईएनसी
3. सत्य नडेला - सीईओ, माइक्रोसफ्ट
4. शान्तनु नारायण - सीईओ, एडोब इंक।
5. अजयपाल सिंह बंगा - सीईओ, मास्टरकार्ड
6. जयश्री उल्लाल - सीईओ, अरिस्ता नेटवर्क्स
7. राजीव सुरी - सीईओ, नोकिया इंक।
8. इन्द्रा नुयी - पेप्सिकोको सीईओ