क्रान्ति अझै जारि छ

क्रान्ति अझै जारी छ..........

     जात र धर्मको नाममा राजनीति गर्नेहरु नमासिएसम्म,
     सम्पन्न र बिपन्न बीचको अन्तर नमेटिएसम्म
     क्रान्ति जारी छ।
     जवर्जस्त सम्मान खोस्न चाहानेहरु
     इमानदारीको इमान बेच्न खोज्नेहरु,
     यस्ता दुष्प्रयास मेटाउनलाई
     क्रान्ति जारी  छ।

    सरकारको सामु झुकेर,जनताको हितमा चुकेर,   
    नेताको नजरबाट लुकेर।
    ब्यक्तिगत स्वार्थको निम्ति लुट्नेहरुको बिरुद्धमा
    क्रान्ति जारी छ।

    लुगा-फाटाको रंग बदलिन सक्ने,
    आनुहारको रंग बदलिन सक्ने,तर
    बिचार र नियत बदलिन नसकने जड़सूत्रवादीहरुको बिरुद्ध
    क्रान्ति जारी छ।
     
    मालिको मन्जूरी र नौकरको हजुरी जस्ता
    संस्कार ध्वस्त पारी समानताको साइनो जोड़नलाई
    क्रान्ति जारी छ।
    गरीबलाई जगाउँन, गरिबीलाई मेटाउन
    एकताको जोड़मा, समस्याको झोड़मा, सफलताको होड़मा
    क्रान्ति अझै  जारी छ
              अझै जारी छ
                      जारी छ।।