बिर्तामोडमा बेवारिसे पुरुषको शव फेला

बिर्तामोड, २५ जेठ । झापाको बिर्तामोडमा आज बेलुका एक पुरुषको शव फेला परेको छ ।

बिर्तामोड–२ चैतुवाडीस्थित श्रीराम प्लाई फ्याक्ट्री नजिकै कच्ची सडकको किनारामा नाम थर, वतन नखुलेको तराईबासी मुलको जस्तो देखिने करिब ३५–४० वर्षीय पुरुष मानिसको शव फेला परेको हो ।

मानिस मृत अवस्थामा देखेर स्थानीयबासीले खबर गरेपछि इलाका प्रहरी कार्यालय घैलाडुब्बा र इलाका प्रहरी कार्यालय अनारमनी प्रहरी टोली घटनास्थलमा पुगेको थियो । प्रहरीले कानूनी प्रक्रियासँगै अनुसन्धान अघि बढाएको छ ।

The post बिर्तामोडमा बेवारिसे पुरुषको शव फेला appeared first on Jhapa Online.