बीपी राजमार्ग आजदेखि पुन सञ्चालनमा आउँदै, पूर्वी नेपालबाट काठमाडौं आउजाउ सहज हुने
काठमाडौं । बाढीपहिरो र डुबानले तहसनहस बनाएको बीपी राजमार्ग आजदेखि सञ्चालनमा आउँदैछ । पूर्वी नेपालको सबैभन्दा महत्वपूर्ण रणनीतिक राजमार्ग असोज ११ गतेको वर्षा र बाढीले तहसनहस भएको थियो । बाढी र पहिरोले तहसनहस भएको बीपी राजमार्ग अस्थायी रुपमा बनाइसकेर आजदेखि पुनः सञ्चालनमा आउने भएको हो । बिहान १० बजेदेखि गाडीहरू निर्वाध रूपमा चलाउन सकिने गरी […]
काठमाडौं । बाढीपहिरो र डुबानले तहसनहस बनाएको बीपी राजमार्ग आजदेखि सञ्चालनमा आउँदैछ ।
पूर्वी नेपालको सबैभन्दा महत्वपूर्ण रणनीतिक राजमार्ग असोज ११ गतेको वर्षा र बाढीले तहसनहस भएको थियो ।
बाढी र पहिरोले तहसनहस भएको बीपी राजमार्ग अस्थायी रुपमा बनाइसकेर आजदेखि पुनः सञ्चालनमा आउने भएको हो ।
बिहान १० बजेदेखि गाडीहरू निर्वाध रूपमा चलाउन सकिने गरी मर्मतकार्य अन्तिम चरणमा पुगेको भौतिक पूर्वाधार मन्त्रालयका सचिव केशव शर्माले जनाएका छन् ।
शर्माको नेतृत्वमा प्राविधिक टोली फिल्डमै खटेर काम गरिरहेको छ, र बाढीपहिरोले क्षतिग्रस्त ठाउँहरूमा कल्भर्ट निर्माण गरेर र खोला डाइभर्सनमार्फत मर्मतकार्य सम्पन्न गरिएको छ ।
काभ्रेको चौकीडाँडादेखि नेपालथोकसम्म रोशी र सुनकोशी नदीमा आएको बाढीले विभिन्न ठाउँमा राजमार्गलाई ठुलो क्षति पुर्याएको थियो ।
विशेष गरी नेपालथोक खुर्कोट सडकखण्डमा पहिरो र नदी कटानका कारण यातायात ठप्प भएको थियो ।
तर, अहिले ती ठाउँहरूमा काम सकिएकोले दशैंमा यात्रुहरूलाई सहज यात्रा मिल्ने र अन्य वैकल्पिक सडकमा सवारी चाप र जोखिम पनि कम हुने मन्त्रालयले बताएको छ ।
What's Your Reaction?