भद्रपुरबाट ब्राउनसुगरसहित बाबु–छोरा पक्राउ

झापा, २९ असोज । ठूलो मात्रामा लागूऔषध ब्राउनसुगरसहित दुई भारतीय नागरिकलाई प्रहरीले पक्राउ गरेको छ ।

सोमबार दिउँसो भद्रपुर–५ स्थित बसपार्कमा रहेको न्यू बान्तवा होटलबाट भारत विहार किसनगञ्ज जिल्ला ठाकुरगञ्ज पञ्चायत उर्दु कोलोनी–८ का ३८ वर्षीय जमकोद खान र उनका छोरा १८ वर्षीय आयान खानलाई ब्राउनसुगरसहित पक्राउ गरिएको हो । उनीहरुको साथबाट प्लास्टिकसहित ५८ ग्राम १० मिलिग्राम ब्राउनसुगर बरामद भएको छ ।

होटलमा लागूऔषधको कारोबार भइरहेको भन्ने विशेष सूचनाको आधारमा प्रहरी टोलीले होटलमा पुगेर बाबु छोराको शरीर तलासी लिएको थियो । दुवैलाई जिल्ला प्रहरी कार्यालयमा ल्याई थप अनुसन्धान भइरहेको प्रवक्ता तथा डीएसपी कृष्णकुमार चन्दले बताए ।

The post भद्रपुरबाट ब्राउनसुगरसहित बाबु–छोरा पक्राउ appeared first on Jhapa Online.