झापामा दुई घटना, बालकसहित दुई जनाको मृत्यु
बनियानी, २ कात्तिक । झापामा दुई भिन्न घटनामा एक बालकसहित दुई जनाको मृत्यु भएको छ । बिहीबार राति गाडी (छोटा हात्ती) को ठक्करबाट बिर्तामोडमा एक पैदल यात्री पुरुष र फलामको गेटले किचेर अर्जुनधारामा एक बालकको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक कृष्णकुमार चन्दले जानकारी दिनुभयो । अर्जुनधारा–६ स्थित मामाघर रिषी अग्रवालको [...] The post झापामा दुई घटना, बालकसहित दुई जनाको मृत्यु appeared first on Jhapa Online.
बनियानी, २ कात्तिक । झापामा दुई भिन्न घटनामा एक बालकसहित दुई जनाको मृत्यु भएको छ ।
बिहीबार राति गाडी (छोटा हात्ती) को ठक्करबाट बिर्तामोडमा एक पैदल यात्री पुरुष र फलामको गेटले किचेर अर्जुनधारामा एक बालकको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक कृष्णकुमार चन्दले जानकारी दिनुभयो ।
अर्जुनधारा–६ स्थित मामाघर रिषी अग्रवालको घरमा पाहुना आएर फलामको गेटमा खेल्ने क्रममा उक्त गेट पल्टिएर किच्दा दुई वर्षीय बालक शिवयम मस्कराको मृत्यु भएको हो ।
बिहीबार राति गेटले किचेर गम्भीर घाइते भएका उनको आज बिहान उपचारका क्रममा बिर्तामोडस्थित बीएण्डसी अस्पतालमा मृत्यु भएको जिल्ला प्रहरी कार्यालय झापाले जनाएको छ ।
यसैबीच, बिर्तामोड–भद्रपुर सडक खण्डस्थित बिर्तामोड–३ बिर्ताबजारमा बनियानीबाट बिर्ताबजार तर्फ आउँदै गरेको मे १ च ५९३० नम्बरको छोटा हात्ती गाडीले ठक्कर दिँदा भारत बहादुरगञ्ज घर भई हाल बिर्तामोड–३ स्थित शैनिकमोडमा डेरी गरी बस्दै आएका ६५ वर्षीय आसारुलाल पानवारीको मृत्यु भएको हो ।
दुर्घटनामा परी गम्भीर घाइते भएका उनको उपचारका क्रममा बिर्तामोडस्थित बिर्तासिटी अस्पतालमा मृत्यु भएको हो । ठक्कर दिने सवारी र चालकलाई नियन्त्रणमा लिइएको प्रहरीले जनाएको छ ।
The post झापामा दुई घटना, बालकसहित दुई जनाको मृत्यु appeared first on Jhapa Online.
What's Your Reaction?
