पक्राउ पुर्जी जारी भएपछि रवि लामिछानेले भने- ‘सरकार मर्यो, हामीलाई जुठो पर्यो’

काठमाडौँ । आफूविरुद्ध पक्राउ पूर्जी जारी भएपछि राष्ट्रिय स्वतन्त्र पार्टी (रास्वपा)का सभापति रवि लामिछानेले सामाजिक सञ्जालमार्फत प्रतिक्रिया दिएका छन् ।

सामाजिक सञ्जाल फेसबुकमा लेख्दै उनले सरकार मरेको र आफूहरुलाई जुठो परेको भन्दै व्यंग्यात्मक प्रतिक्रिया दिएका छन् ।

‘तपाईंको हातमा तस्करले दिएको करोड पर्ने घडी, मेरो हातमा चाहिँ हतकडी ? तपाई विचौलियाको सेवा गरेबापत लाखौँको चस्मा र जुत्ता लगाउने, मुद्दा मैले खेपि दिनुपर्ने ? तपाईं प्रमाणित भ्रष्टाचारीबाट करोडौँको जग्गा खुल्लम खुल्ला लिने, मैले ठगीको आरोप खेपी दिनुपर्ने ?’, रविले प्रश्न गरेका छन्, ‘तिमीहरु राज्यका भए भरको शक्ति लगाएर अनुसंधान गर्दापनि केही भेट्दैनौ अनि तिम्रो एउटा नेताको राजनीति जोगाउन र तिम्रो दुई तिहाइको सरकार जोगाइदिन म बली चढ्नुपर्ने ? तिमी र तिम्रा नेता मिलेर सहकारीबाट ८७ अर्ब अपचलन गर्ने, मैले सहकारी ठग भैदिनु पर्ने ?’