सोमबार नेप्से परिसूचक २२.१४ अंकले बढ्यो, ११ अर्ब ३१ करोडमाथिको सेयर कारोबार

काठमाडौँ । सोमबार सेयर बजार मापक नेप्से परिसूचक बढेको छ । आज सेयर बजार मापक नेप्से परिसूचक २२.१४ अंकले बढेर २७६०.२१ बिन्दुमा पुगेको हो ।

सोमबार नेप्सेमा कुल ३ सय २ कम्पनीको २ करोड ४५ लाख ५७ हजार १ सय ५३ कित्ता सेयर खरिद बिक्री हुँदा ११ अर्ब ३१ करोडमाथिको सेयर कारोबार भएको छ ।

आज सबैभन्दा धेरै कारोबार साहस उर्जा लिमिटेड भएको छ । यस कम्पनीको ३८ करोड १७ लाख ८७ हजार २ सय ४४ रुपैयाँ ७० पैसा बराबरको सेयर कारोबार भएको छ । त्यस्तै, आज सपोर्ट माइक्रोफाइनान्स वित्तीय संस्था सहित पाँच कम्पनीको सेयर मूल्यमा पोजेटिभ सर्किट लागेको छ ।

यता, इस्टर्न हाइड्रोपावर लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको छ ।