पक्राउपछि के हुन्छ रवि लामिछानेको सांसद पद ?
काठमाडौं । राष्ट्रिय स्वतन्त्र पार्टीका नेता रवि लामिछानेलाई सहकारीको रकम अपचलन र सङ्गठित ठगीको आरोपमा पक्राउ परेपछि उनको सासद पद के हुन्छ भन्ने चासो छ । यस्तोमा, धेरैले उनको सांसद पदको भविष्यबारे चासो देखाएका हुन् । प्रहरीले लामिछाने पक्राउ परेको जानकारी सभामुख र संसद सचिवालयलाई दिएका छन् । तर, यसले तुरुन्तै उनको सांसद पद निलम्बन […]
काठमाडौं । राष्ट्रिय स्वतन्त्र पार्टीका नेता रवि लामिछानेलाई सहकारीको रकम अपचलन र सङ्गठित ठगीको आरोपमा पक्राउ परेपछि उनको सासद पद के हुन्छ भन्ने चासो छ । यस्तोमा, धेरैले उनको सांसद पदको भविष्यबारे चासो देखाएका हुन् ।
प्रहरीले लामिछाने पक्राउ परेको जानकारी सभामुख र संसद सचिवालयलाई दिएका छन् । तर, यसले तुरुन्तै उनको सांसद पद निलम्बन हुने छैन ।
नेपालको संविधानको धारा १०३ अनुसार, जब सांसद पक्राउ पर्छन्, सभामुखलाई जानकारी दिनुपर्छ । सोही अनुसार सूचना दिइएको छ । अहिले संसद्को अधिवेशन नचलेको हुँदा, संसद सचिवालयले यो सूचना पाटीमा टाँस्नेछ ।
अहिलेको अवस्थामा, लामिछानेको सेवासुविधा तलब–भत्ता भने रोकिँदैन । तर, प्रहरीले उनीमाथि तीन वर्षभन्दा बढी सजाय माग गरेर अभियोग लगायो र अदालतले पुर्पक्षका लागि थुनामा पठायो भने मात्र उनको सेवासुविधा रोकिनेछ ।
उनको सांसद पद भने अदालतले दोषी ठहर गरेपछि मात्रै जानेछ । यदि सफाइ पाए, उनले आफ्नो काममा पुनः फर्कनेछन् । तर, यदि थोरै सजाय पाएर थुनामुक्त भए र प्रतिनिधि सभाको कार्यकाल सकिएन भने उनी पुनः सांसदका रूपमा काम गर्न पाउने छन् ।
What's Your Reaction?