मेची भन्सारले उठायो तीन अर्ब ५८ करोड ९० लाख राजश्व सङ्कलन

भद्रपुर, ५ कात्तिक । मेची भन्सार कार्यालयले आर्थिक वर्ष २०८१/०८२को पहिलो त्रैमासिकमा रु. तीन अर्ब ५८ करोड ९० लाख ११ हजार राजश्व सङ्कलन गरेको छ ।

उक्त रकम वार्षिक लक्ष्यको २० दशमलव ६९ प्रतिशत हो । चालू आव २०८१/०८२मा उक्त कार्यालयले रु. १७ अर्ब ३४ करोड ४६ लाख २५ हजार राजश्व सङ्कलन गर्ने लक्ष्य लिएको भन्सार अधिकृत गणपति कँडेलले जानकारी दिए । आव २०८०/०८१को सोही अवधिमा रु. तीन अर्ब ३९ करोड ७२ लाख ७० हजार सङ्कलन भएको थियो । उक्त रकमभन्दा चालू आवको पहिलो तीन महिनामा रु. १९ करोड १७ लाख ४१ हजारले बढी हो ।

आव २०८०/०८१ मा रु. १८ अर्ब २५ करोड ७८ लाख ६८ हजार राजश्व सङ्कलनको लक्ष्य रहेकामा ७८ दशमलव चार प्रतिशत मात्र हासिल भएको थियो । आव २०८१/०८२ मा गत आवको भन्दा रु. ९१ करोड ३२ लाख ४३ हजारले राजश्वको लक्ष्य घटाइएको छ ।

The post मेची भन्सारले उठायो तीन अर्ब ५८ करोड ९० लाख राजश्व सङ्कलन appeared first on Jhapa Online.