दमकका निरौला हत्यामा संलग्न तीन जना पक्राउ
झापा, ११ कात्तिक । झापा दमक नगरपालिकाका एक युवाको हत्यामा संलग्न तीन जनालाई प्रहरीले पक्राउ गरेको छ । दमक–९ का ३७ वर्षीय देशु भन्ने यमु निरौलाको हत्यामा संलग्न उर्लाबारी नगरपालिका–६ का ४२ को प्रकाश कार्की, उर्लाबारी–७ का ४९ वर्षीय ध्रुव गौतम र संखुवासभा मादी–१० घर भई दमक–३ दुम्सेमा बस्दै आएका २६ वर्षीय गणेश दर्जी प्रहरीले [...] The post दमकका निरौला हत्यामा संलग्न तीन जना पक्राउ appeared first on Jhapa Online.
झापा, ११ कात्तिक । झापा दमक नगरपालिकाका एक युवाको हत्यामा संलग्न तीन जनालाई प्रहरीले पक्राउ गरेको छ ।
दमक–९ का ३७ वर्षीय देशु भन्ने यमु निरौलाको हत्यामा संलग्न उर्लाबारी नगरपालिका–६ का ४२ को प्रकाश कार्की, उर्लाबारी–७ का ४९ वर्षीय ध्रुव गौतम र संखुवासभा मादी–१० घर भई दमक–३ दुम्सेमा बस्दै आएका २६ वर्षीय गणेश दर्जी प्रहरीले पक्राउ गरेको हो ।
कात्तिक ६ गते दिउँसो दमक–३ उज्यालो टोल विकास संस्थाको दक्षिण स्थित बगर टोलमा जग्गाको विषयमा भेला भएका बेलामा उनीहरुले निरौलालाई कुटपिट गरी हत्या गरेका थिए । घटनामा संलग्न प्रकाश कार्की र ध्रुव गौतमलाई सोही दिन पक्राउ गरिएको जिल्ला प्रहरी कार्यालय झापाले जनाएको छ । घटनापछि फरार रहेका गणेश दर्जीलाई खटिएको विशेष प्रहरी टोलीले शनिबार काँकरभिट्टाबाट पक्राउ गरेको हो ।
घटनास्थलमा रहेको मे १ च २३९९ र प्रदेश १–०१–००१ च ८६३१ नम्बरका सवारी साधनसमेत प्रहरीले नियन्त्रणमा लिएको छ । घटनामा संलग्न अन्य फरार प्रतिवादीको समेत खोजतलास कार्य जारी रहेको प्रहरीले जनाएको छ ।
The post दमकका निरौला हत्यामा संलग्न तीन जना पक्राउ appeared first on Jhapa Online.
What's Your Reaction?