महोत्तरीमा अनुहार जलेको अवस्थामा मृत भेटिइन् महिला
जनकपुरधाम । महोत्तरीमा अनुहार जलेको अवस्थामा एक महिला मृत फेला परेकी छन् । पिपरा गाउपालिका-७ दनौली चौरीस्थित स्थानीय अशोक ठाकुरको आँप बगैँचामा अनुहार जलेको अवस्थामा सोमबार बिहान महिला मृत फेला परेकी हुन् । जिल्ला प्रहरी कार्यालय महोत्तरीकाअनुसार करिब २५/२६ वर्षिया कालो लेगिज र हल्का पहेँलो रंगको कुर्ति लगाएकी महिला मृत भेटिएकी हुन् । सोमबार बिहान […]
जनकपुरधाम । महोत्तरीमा अनुहार जलेको अवस्थामा एक महिला मृत फेला परेकी छन् ।
पिपरा गाउपालिका-७ दनौली चौरीस्थित स्थानीय अशोक ठाकुरको आँप बगैँचामा अनुहार जलेको अवस्थामा सोमबार बिहान महिला मृत फेला परेकी हुन् ।
जिल्ला प्रहरी कार्यालय महोत्तरीकाअनुसार करिब २५/२६ वर्षिया कालो लेगिज र हल्का पहेँलो रंगको कुर्ति लगाएकी महिला मृत भेटिएकी हुन् ।
सोमबार बिहान स्थानीयले देखेपछि प्रहरीलाई खबर गरिएको थियो । जिल्ला प्रहरी कार्यालय महोत्तरीका एसपी नकुल पोखरेलको कमान्डमा टोली घटनास्थल पुगेको छ ।
मृतकको परिचय खुल्न नसकेको घटनास्थल सुरक्षित राखी मुचुल्कालगायत प्रहरी कारबाही गरिरहेको छ ।
घटनाको प्रकृति हेर्दा कसैले विभत्स किसिमले हत्या गरे जस्तो देखिएको एसपी पोखरेलले जानकारी दिए ।
पहिचान खुल्न नसकोस् भनेर अनुहार जलाएको हुनसक्ने प्रहरीको अनुमान छ ।
What's Your Reaction?
