रविलक्षित गगनको अभिव्यक्ति- सरकारमा हुँदा पनि उपद्रो, बाहिर पनि उपद्रो

काठमाडौं । नेपाली कांग्रेसका महामन्त्री गगन थापाले कुनै सङ्गठनको काम नै निराशाको व्यापार गर्नु भएको बताएका छन् ।

सोमबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।

“निराशा छ समाजमा । निराशाको व्यापार गर्नेहरू छन् । कुनै सङ्गठनको आधार नै निराशाको व्यापार हो । त्यसपछि त्यसले निरन्तरता पाउँछ । कसैको उपद्रो गरिरहने बानी हुन्छ, सरकारमा हुँदा पनि उपद्रो, बाहिर हुँदा पनि उपद्रो । उपद्रो यति लामो समययता गरेको हो कि अब ‘नगर’ भन्दा पनि गर्छ ।”

अगाडि उनले भने, “आम मानिसहरूमा ठूलो नैरास्यता छ । तिमी किन निराशा भएको भनेर गाली गर्नु हुँदैन । सरकार सञ्चालकहरूले यो स्वीकार्नुपर्छ र त्यसलाई चिर्ने जिम्मेवारी लिनुपर्छ ।”