भद्रपुरबाट ब्राउनसुगरसहित युवा पक्राउ

भद्रपुर, २२ कात्तिक । झापाको भद्रपुर नगरपालिका–५ स्थित मेचीपुलबाट लागुऔषधसहित एक युवालाई प्रहरीले पक्राउ गरेको छ ।

आज बिहान मेची प्रहरी बिटबाट खटिएको प्रहरी टोलीले भारतबाट नेपालतर्फ आउँदै गरेको प्रदेश १–०१–०१४ प ९२६६ नम्बरको स्कुटर र स्कुटर चालक भद्रपुर–९ का २८ वर्षीय एसिया लिम्बुलाई प्रहरीले पक्राउ गरेको हो ।

प्रहरीले चेकजाचँ गर्ने क्रममा लिम्बुले प्लाष्टिकमा पोको पारी ढाँडमा राखी लुकाई छिपाई ल्याउँदै गरेको ब्राउनसुगर प्लाष्टिकसहित ७ ग्राम २७ मिलिग्राम, प्लाष्टिक बाहेक ५ ग्राम ११ मिलिग्राम फेला परेको छ ।

The post भद्रपुरबाट ब्राउनसुगरसहित युवा पक्राउ appeared first on Jhapa Online.