दुर्घटनामा घाइते हल्दिबारीका सुमनको मृत्यु

झापा, २६ कात्तिक । मोटरसाइकल आफैँ अनियन्त्रित भई दुर्घटना हुँदा घाइते भएका झापा हल्दिबारीका एक युवाको गएराति मृत्यु भएको छ ।

गत कार्तिक १८ गते साँझ ७ः१५ बजे झापाको भद्रपुर–१० त्रिवेणी टोलस्थित धनुषमोडबाट केन्द्रमोडतर्फ जाँदैं गरेको मे ६ प ३०७७ नम्बरको मोटरसाईकल आफै अनियन्त्रित भएर दुर्घटना भएको थियो । सो दुर्घटनामा घाइते भएका हल्दिबारी–२ का २२ वर्षीय सुमन मर्डी घाइते भएका थिए । घाइते उनको तत्काल प्रदेशिक अस्पताल भद्रपुर लगि उपचार भइरहेकोमा घाइतेको अवस्था गम्भिर हुँदै गएकाले सोही दिन राति ९ः३० बजे बीएण्डसी अस्पताल बिर्तामोड लगिएको थियो ।

त्यहाँ उपचार भइरहेका उनलाई थप उपचारका लागि कात्तिक २३ गते आफन्तले आफुखुसी भारततर्फ लगेको र उपचार सम्भव नभएको भन्दै घरमा ल्याई राखेको प्रहरीले जनाएको छ । उनलाई थप उपचारका लागि कार्तिक २५ गते न्युरो अस्पताल बिराटनगर मोरङ लगि सामान्य उपचार पश्चात पुनः घरैमा ल्याई राखेको अवस्थामा मृत्यु भएको बताइएको छ । सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।

The post दुर्घटनामा घाइते हल्दिबारीका सुमनको मृत्यु appeared first on Jhapa Online.