बेलायती अखबार द गार्डियनले अबदेखि एक्समा सामग्री पोस्ट नगर्ने

काठमाडौं । बेलायती अखबार द गार्डियनले अबदेखि सोसल मिडिया प्लाटफर्म एक्समा सामग्री पोस्ट नगर्ने जनाएको छ ।

गार्डियनको सम्पादकीय टिमले एक्समा अबदेखि केही पनि पोस्ट नगर्ने निर्णय गरेको हो । सम्पादकीय टिमले आफ्ना सामग्री एक्समा पोस्ट नगरे पनि पाठकहरूले भने गार्डियनका सामग्री पोस्ट गर्न सक्ने जनाएको छ ।

गार्डियनले लेखेको छ, ‘हामीलाई लाग्छ अब एक्समा नकारात्मकता धेरै छ । हामीले आफ्नो पत्रकारितालाई अझै प्रवर्द्धन गर्न हाम्रा संसाधनलाई प्रभावकारी ढंगले प्रयोग गर्न सक्छौँ ।’

एक्समा प्राय:जसो अतिदक्षिणपन्थी प्रचारबाजी र नश्लवादसँग सम्बन्धित सामग्रीलाई प्रवर्द्धन गरिएको पनि गार्डियनले जनाएको छ ।