जागरणसभामा ओलीको ठट्टा : अमेरिकाको बैंकको आधा सम्पत्ति मेरै हो

काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले विभिन्न पार्टीका नेताहरुले विना आधार आरोप लगाउने गरेको बताएका छन् ।

शुक्रबार पार्टीले दरबारमार्गमा आयोजना गरेको जागरणसभालाई सम्बोधन गर्दै उनले यस्तो बताएका हुन् ।

‘केही पार्टीका नेताहरु भन्छन् – यसको कम्बोडियामा लगानी छ, स्वीस बैंकमा पैसा छ, भन्दिए भो, हेर्न जाने होइन’, उनले ठट्टा गर्दै भने, ‘त्यो मात्रै किन अमेरिकाको बैंकको आधा सम्पत्ति मेरै हो । यस्तो फाल्तु कुरा गरेर काम छैन ।’

यसबारे बहस गर्न आए तयार रहेको उनको भनाइ छ ।