इटहरीमा दुर्घटनामा श्रीमान–श्रीमतीको मृत्यु

झापा, ९ मंसिर । पहिचान नखुलेको सवारी साधनले ठक्कर दिँदा सुनसरीको इटहरीमा आज मोटरसाइकलमा सवार दम्पतीको मृत्यु भएको छ ।

इटहरी उपमहानगरपालिका–१७, बालग्राम चोकमा सवारीको ठक्करबाट संखुवासभाको धर्मदेवी नगरपालिकाका–३ का ३२ वर्षे युवराज गुरुङ र पत्नी ३२ वर्षीया टीका गुरुङको मृत्यु भएको प्रहरीले जनाएको छ । दम्पती चढेको को ३६ प ५६३७ नम्बरको मोटरसाइकललाई बालग्राम चोकमा सवारी साधनले ठक्कर दिएको थियो । कुन सवारीले ठक्कर दियो भन्ने खुलेको छैन ।

दुर्घटनामा गम्भीर घाइते दुवैको उपचारक्रममा धरानस्थित बिपी कोइराला स्वास्थ्य विज्ञान प्रतिष्ठानमा मृत्यु भएको हो ।

The post इटहरीमा दुर्घटनामा श्रीमान–श्रीमतीको मृत्यु appeared first on Jhapa Online.