झापामा ब्राउनसुगर कारोबारी पक्राउ

झापा, १६ मंसिर । झापाको मेचीनगर–१० बाट प्रहरीले लागुऔषध कारोबारीलाई पक्राउ गरेको छ ।

आइतबार साँझ मेचीनगर नगरपालिका–१० मा लागुऔषध बिक्री वितरण भइरहेको भन्ने सूचनाको आधारमा इलाका प्रहरी कार्यालय धुलाबारीबाट खटिएको प्रहरी टोलीले शकाष्पद अवस्थामा रहेको सोहीका ३१ वर्षीय बब्लु भन्ने मनु मुर्मुलाई पक्राउ गरेको हो ।

उनलाई चेकजाँच गर्दा मिनि डिजिटल तराजु एक थान, मोबाइल एक थान, विभिन्न दरका नेपाली नगद १३ हजार ६५० र प्रतिबन्धित लागुऔषध ब्राउनसुगर प्लाष्टिक सहित १ ग्राम ३५० मिलिग्राम तथा प्लाष्टिक बाहेक १ ग्राम १५० मिलिग्राम फेला परेकोले नियन्त्रणमा लिई इलाका प्रहरी कार्यालय धुलाबारीमा राखी थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।

The post झापामा ब्राउनसुगर कारोबारी पक्राउ appeared first on Jhapa Online.