दुर्गा प्रसाईं अस्पतालबाट हिरासतमा

झापा, ११ मंसिर । मेडिकल व्यवसायी दुर्गा प्रसाईंलाई हिरासतमा फिर्ता ल्याइएको छ । उपचार गराउन वीर अस्पतालमा भर्ना गरिएका उनलाई हिरासतमा फिर्ता ल्याएको हो ।

आइतबार साँझ प्रसाईंलाई वीर अस्पतालमा भर्ना गरेको थियो । उपचारपछि उनलाई प्रहरी वृत्त सिंहदरबारको हिरासतमा फिर्ता गरिएको केन्द्रीय साइबर ब्युरोका एक अधिकृतले जनाएका छन् । क्यान्सरको बिरामी प्रसाईंलाई काठमाडौँ जिल्ला अदालतका न्यायाधीश कमला पौडेलले उचित उपचारको प्रबन्ध गर्न प्रहरीलाई निर्देशन दिएकी थिइन् ।

प्रधानमन्त्री केपी शर्मा ओलीविरुद्ध फर्जी कागजात तयार गरेर सामाजिक सञ्जालमा हालेको कसुरमा साइबर ब्युरोले प्रसाईंविरुद्ध विद्युतीय कारोबार ऐन अन्तर्गत अनुसन्धान गरिरहेको छ । अदालतले उनलाई थप ५ दिन हिरासतमा राखेर अनुसन्धान गर्न प्रहरीलाई अनुमति समेत दिएको छ ।

The post दुर्गा प्रसाईं अस्पतालबाट हिरासतमा appeared first on Jhapa Online.