कचनकवलका कलेजो पीडित चौधरीलाई युवा संघको आर्थिक सहयोग

कचनकवल, ३० मंसिर । राष्ट्रिय युवा संघ नेपाल कचनकवलले आर्थिक अभावका कारण उपचारबाट बञ्चित एक बिरामीलाई आर्थिक सहयोग प्रदान गरेको छ ।

युवा संघले कचनकवल गाउँपालिका–६ निवासी कलेजो रोगबाट पीडित सुमन चौधरीको उपचारका लागि आर्थिक सहयोग गरेको हो । कलेजो प्रत्यारोपण गर्नुपर्ने डाक्टरको सल्लाहपछि संघले अभियान सञ्चालन गरी रकम संकलन गरेको थियो । युवा संघ कचनकवलका अध्यक्ष नवराज ढुंगानाको नेतृत्वमा चौधरीको घरमै पुगेर आइतबार ३९ हजार रुपैयाँ सहयोग हस्तान्तरण गरिएको छ ।

सहयोग रकम कोशी प्रदेशका पूर्व सांसद बसन्त बानियाँले उनका बुवा देवु चौधरीलाई हस्तान्तरण गरिएको थियो । “चौधरी लिभरको समस्याबाट पीडित हुनुहुन्छ। डाक्टरको सल्लाहअनुसार लिभर ट्रान्सप्लान्ट गर्नुपर्ने भएपछि हामीले अभियान सञ्चालन गरेर आर्थिक सहयोग गरेका हौं,” अध्यक्ष ढुंगानाले भने । चौधरीको उपचारका लागि अझै ठूलो रकम आवश्यक भएकाले थप सहयोगको अपिल गरिएको छ ।

The post कचनकवलका कलेजो पीडित चौधरीलाई युवा संघको आर्थिक सहयोग appeared first on Jhapa Online.