झापाको दमकमा मोटरसाइकल आफैँ अनियन्त्रित हुँदा दुई जनाको मृत्यु, एक जना सिकिस्त

बिर्तामोड, १ पुस । झापाको दमक नगरपालिका–१० मा आइतबार राति मोटरसाइकल आफैँ अनियन्त्रित भई दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन् ।

उक्त दुर्घटना गौरादह नगरपालिका–५ की ३२ वर्षीया जमुना धिमाल र सोही स्थानकी २५ वर्षीया ओमकुमारी राई (मनचरी) मृत्यु भएको जिल्ला प्रहरी कार्यालय झापाका प्रवक्ता कृष्णकुमार चन्दले जानकारी दिनुभयो ।

आइतबार राति २०ः१० बजे दमक–१० स्थित सेतुमारी चोक नजिक भित्री सडक खण्डमा सेतुमारी चोकबाट बालुबथानतर्फ जाँदै गरेको प्रदेश नं. १–०१–०१५ प १७९३ नम्बरको मोटरसाइकल आफैँ अनियन्त्रित भई दुर्घटना भएको थियो ।

उक्त दुर्घटनामा मोटरसाइकल चालक मोरङ रतुवामाई नगरपालिका–८ का २७ वर्षीय विराज थापा, मोटरसाइकलमा सवार धिमाल र राई घाइते भएका थिए । गम्भीर घाइते उनीहरुलाई उपचारका लागि दमक अस्पताल पठाएकोमा धिमाल र राईलाई चिकित्सकले राति ११ः३५ बजे मृत्यु घोषित गरेको थियो ।

मोटरसाइकल थापालाई थप उपचारका लागि बिर्तामोडस्थित बीएण्डसी अस्पताल बिर्तामोड रेफर गरिएको छ भने घटना सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।

The post झापाको दमकमा मोटरसाइकल आफैँ अनियन्त्रित हुँदा दुई जनाको मृत्यु, एक जना सिकिस्त appeared first on Jhapa Online.