घान्द्रुक जाँदै गरेको जीप दुर्घटना, पाँच घाइतेलाई पोखरा ल्याइयो

कास्की । कास्कीको अन्नपूर्ण गाउँपालिका–१०, बतासेडाँडामा घान्द्रुकतर्फ जाँदै गरेको जीप दुर्घटनामा परी पाँच जना घाइते भएका छन्  ।

ग १ ज ६८२१ नम्बरको जिप पोखराबाट घान्द्रुकतर्फ जाँदै गर्दा अपराह्न ६०० मिटर तल खसेको हो ।

कास्की जिल्ला प्रहरीका प्रवक्ता बसन्त कुमार शर्माका अनुसार जिपमा ७ जना सवार थिए । तीमध्ये ५ जना घाइते भएका छन् ।

घाइतेलाई तत्कालै उद्धार गरी उपचारका लागि पोखरा पठाइएको छ ।

दुर्घटनाको कारण हालसम्म खुलाइएको छैन भने घटनाबारे थप अनुसन्धान भइरहेको प्रहरीले जनाएको छ । यात्रुहरूको अवस्था र दुर्घटनाको कारणले स्थानीयबासीमा त्रास फैलिएको छ ।