झापामा दुर्घटनामा एक जनाको मृत्यु, दमकको होटलमा एक जना मृत फेला

झापा, ४ पुस । झापाको मेचीनगरमा मोटरसाइकल दुर्घटनामा परी चालकको मृत्यु भएको छ ।

मेचीनगर नगरपालिका–८ मकरेचौकस्थित भित्री पक्की सडकखण्डमा इटाभट्टादेखि नकलबन्दातर्फ जाँदै गरेको मे ७ प १२३४ नम्वरको मोटरसाइकल आफै अनियन्त्रित भई दुर्घटना हुँदा मोटरसाइकल चालक मेचीनगर नगरपालिका–६ बस्ने ३४ वर्षीय दिवस प्रधान घाइते भएका थिए ।

उनलाई उपचारको लागि बीएण्डसी अस्पताल बिर्तामोड ल्याइएकोमा उपचारको क्रममा डाक्टरले मृत घोषणा गरेका हुन् । घटना सम्बन्धमा थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।

यसैबीच, बुधबार साँझ दमक नगरपालिका–६ बसपार्कमा निर्मला भारतीले सञ्चालन गरेको मिलन होटल एण्ड लजमा जिल्ला मोरङ मिक्लाजुङ गाँउपालिका–२ मधुमल्लाकी २७ वर्षीया प्रिति भन्ने गोमा कुमारी तामाङ र सिन्धुली दुधौली नगरपालिका–१० का वर्ष ३३ को इन्द्रबहादुर सुनुवार समेत दुई जनाले खाना खाईसँगै बसकोमा आज बिहान उठेर हेर्दा इन्द्रबहादुर सुनुवार सुतेकै स्थानमा मृत्त अवस्थामा छ भन्ने खबर गोमा कुमारी तामाङले उक्त होटलको साहुलाई जानकारी गराए पश्चात उक्त होटल साहुले इलाका प्रहरी कार्यालय दमकमा जानकारी गराउना साथ उक्त घटना सम्बन्धमा थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।

The post झापामा दुर्घटनामा एक जनाको मृत्यु, दमकको होटलमा एक जना मृत फेला appeared first on Jhapa Online.