आज पुसेऔँसी, ड्रोनबाट देखिएको सुन्दर उत्तरगया धाम (फोटोहरू)

नुवाकोट । आज पुसे औँसी, नुवाकोट र रसुवाको सङ्गमस्थित बेत्रावतीलगायत तीर्थस्थलमा विधिपूर्वक श्राद्ध गर्ने भक्तजनको भीड लागेको छ ।
पौष कृष्ण औँसीका दिन परम्परागत रूपमा पितृलाई तर्पण, सिदादान र पिण्डदान गरी श्राद्ध गरिँदैछ ।

वैदिक सनातन धर्मअनुसार दक्षिणायनको अन्तिम औँसी भएकाले आजको श्राद्ध महत्त्वपूर्ण मानिन्छ ।

श्राद्ध गर्ने परम्परा अनुसार पितृलाई आह्वान गरी विधिपूर्वक श्रद्धा अर्पण गरिन्छ । विशेषगरी नुवाकोट र रसुवाको बेत्रावती, गोकर्ण उत्तरगया, त्रिवेणीधाम, रिडी, र देवघाटजस्ता तीर्थस्थलमा भक्तजनहरूको भीड देखिन्छ । आज सोमबारे औँसी परेकाले मौन स्नान गरी मनोकामना पूरा हुने मान्यता छ ।

हेरौँ, नुवाकोट र रसुवाको सङ्गमस्थित बेत्रावतीमा लागेको मेला र ड्रोनबाट देखिएको सुन्दर उत्तरगया धाम ।