साझामञ्चको स्थापना दिवस : तीन जनालाई दशक सेवा सम्मान

बिर्तामोड, १७ पुस । साझामञ्च मिडिया प्रालिले साझामञ्च डटकमको १२ औं स्थापना दिवस मनाएको छ ।

संस्थाले आठौं र नवौं वार्षिक साधारणसभासँगै आज बिर्तामोडमा स्थापना दिवस मनाएको हो । स्थापना दिवसको अवसरमा संस्थामा आबद्ध तीन जना पत्रकारलाई ‘साझामञ्च दशक सम्मान’ समेत प्रदान गरेको छ ।

साझामञ्च मिडिया प्रालि.का उपाध्यक्ष खड्गप्रसाद दाहालको अध्यक्षतामा भएको कार्यक्रममा पत्रकार पत्रकार द्रोण अधिकारी, सरोज भट्टराई र उमानाथ भण्डारीलाई नगद ११ हजार एक सय ११ रुपैयाँसहित कदर–पत्रले सम्मान गरिएको हो ।

कार्यक्रममा कोशी प्रदेशका खानेपानी, सिञ्चाई तथा ऊर्जा मन्त्री एकराज कार्की, बिर्तामोड नगरपालिकाकी नगरप्रमुख पवित्रा महतारा प्रसाईं लगायतले उनीहरुलाई कदर पत्र हस्तान्तरण गर्नुभएको थियो ।

कार्यक्रममा मन्त्री कार्की, बिर्तामोड नगरपालिका नगर प्रमुख प्रसाई, प्रेस काउन्सिल नेपालका सदस्य गणेश पोखरेल, पत्रकार महासंघ कोशी प्रदेश उपाध्यक्ष अम्बिका भण्डारी, पत्रकार महासंघ झापा शाखा उपाध्यक्ष सुब्रत न्यौपानेले शुभकामना मन्त्व्य राख्नुभएको थियो ।

कार्यक्रममा स्वागत प्रालि.का निर्देशक सुवास भट्टराई र सञ्चालन प्रालि.का कार्यकारी प्रमुख गोपाल काफ्ले गर्नुभएको थियो ।

यसैबीच, साझामञ्च मिडिया प्रालिको वार्षिक साधारण सभाको बन्दसत्रले तीन वर्षे कार्यकालका लागि निर्वाचित सञ्चालक समिति सर्वसम्मत चयन गरेको छ ।

अध्यक्षः एकराज कार्की, उपाध्यक्षः खड्गप्रसाद दाहाल, सचिवः गोपाल काफ्ले, सञ्चालक सदस्यहरुः नारायणप्रसाद पोखरेल, कृष्णप्रसाद घिमिरे, पुण्यप्रसाद भट्टराई ।

सचिव गोपाल काफ्लेलाई कम्पनीको कार्यकारी प्रमुख र साझामञ्चले सञ्चालन गरेका सञ्चार माध्यमहरुको प्रधानसम्पादकमा निरन्तरता दिने निर्णय गरेको छ ।

The post साझामञ्चको स्थापना दिवस : तीन जनालाई दशक सेवा सम्मान appeared first on Jhapa Online.