ग्लोबल आइएमई बैङ्कको वार्षिकोत्सवमा बृहत् रक्तदान कार्यक्रम आयोजना

काठमाडौं । ग्लोबल आइएमई बैङ्क लिमिटेडले आफ्नो १८औं वार्षिकोत्सवको अवसरमा बृहत् रक्तदान कार्यक्रमको आयोजना गरेको छ ।

वार्षिकोत्सवको अवसरमा बैङ्कले मुलुकका सातवटै प्रदेशमा एकैसाथ रक्तदान कार्यक्रमका साथ–साथै नि:शुल्क आँखा जाँच, रक्तचाप तथा मधुमेह परीक्षण कार्यक्रम आयोजना गरेको हो ।

यस कार्यक्रमअन्तर्गत कोशीको तीनपैनी शाखा, मधेसको जनकपुर शाखा, बागमतीको कान्तिपथ शाखा र नारायणगढ शाखा, गण्डकीको पोखरा न्यूरोड शाखा, लुम्बिनीको मिलनचोक बुटवल शाखा र नेपालगंज शाखा, कर्णालीको सुर्खेत शाखा र सुदूरपश्चिमको धनगढी शाखामा रक्तदान कार्यक्रम आयोजना गरिएको छ ।

कार्यक्रममा ७५७ रक्तदाताहरुले रक्तदान गरेका छन् । यसैगरी ११९ जनाको आँखा जाँच गरिनुका साथै २०० जनाको रक्तचाप तथा मधुमेहको परीक्षण गरी आवश्यक परामर्श प्रदान गरिएको छ ।

बैङ्कले आफ्नो संस्थागत सामाजिक उत्तरदायित्वलाई मध्यनजर गरी यस्ता समाजपयोगी कार्यहरुमार्फत आम जनमानसलाई प्रत्यक्षरुपमा लावान्भित गर्दै आएको छ ।