पहिलो दिन आर्मीविरुद्ध पुलिसले बनायो ८५ रन, भुर्तेलको अर्धशतक

काठमाडौं । जय ट्रफी एलिट कप क्रिकेटको फाइनल खेलमा नेपाल पुलिस क्लबले पहिलो दिन ८५ रन बनाएको छ ।

वीरगञ्जस्थित नारायणी क्रिकेट मैदानमा मङ्गलबारदेखि सुरु भएको फाइनलको पहिलो दिनमा पुलिसले आफ्नो इनिङ्समा १७ ओभरमा २ विकेटको क्षतिमा ८५ रन बनाएको हो ।

खराब मौसम र बाक्लो हुसुका कारण अम्पायरले खेललाई १७ ओभरमै रोकेका हुन् । साढे ९ बजे सुरु हुने खेल खराब मौसमका कारण ढिला सुरु भएको थियो ।

पुलिसका ओपनर दिलिप नाथ भने पहिलो बलमा नै आउट भएका थिए । उनलाई सोमपाल कामीले पहिलो बलमा नै आउट गरेका हुन् ।

१२.२ ओभरमा साहब आलमले अमित श्रेष्ठलाई २० रनमा आउट गरे ।

कुशल भुर्तेल ५० रनमा अविजित छन् भने अर्जुन साउद शून्यमा अविजित छन् ।

टस जितेर आर्मीले पहिले ब्याटिङ गर्ने निर्णय गरेको थियो ।