बिर्तामोडमा बिन्जु मिडिया कर्नरको कार्यालय स्थापना

बिर्तामोड, २५ माघ । बिन्जु मिडिया कर्नर प्रालिको कार्यालय स्थापना भएको छ । झापाको बिर्तामोड–३ स्थित सृजना टोलमा आफ्नै भवनमा कार्यालय स्थापना भएको छ ।

नेपाल पत्रकार महासंघका संस्थापक महासचिव चन्द्र भण्डारीले आज कार्यालयको उद्घाटन गरेका हुन् । बिन्जु मिडिबया कर्नर प्रालिका सञ्चालक बिजय बरालको अध्यक्षतामा भएको कार्यक्रम स्वागत तथा औचित्यमाथि प्रकाश सञ्चालक बरालले नै पारेका थिए ।

सञ्चालक बरालले सञ्चारकर्मीका रुपमा आफुले गरेको सघर्षका बिषयमा जानकारी दिदै स्थापना गरिएको उक्त कार्यालयबाट भिडियो, अडियोसहित समाचारमुलक सामाग्री साथै कम्युनिकशनका सम्पूर्ण कार्य गरिने बताए ।

महासंघका संस्थापक महासचिव भण्डारीको प्रमुख आतिथ्य रहेको कार्यक्रममा नेपाल पत्रकार महासंघ झापाका अध्यक्ष एकराज गिरी, उपाध्यक्ष सुब्रत न्यौपानेले कार्यालय स्थापनाको शुभकामना ब्यक्त गरेका थिए । कार्यक्रमको सञ्चालन बिन्जु मिडिया कर्नर प्रालिका सञ्चालक रन्जु प्याकुरेल बरालले गरेकी थिइन् ।

The post बिर्तामोडमा बिन्जु मिडिया कर्नरको कार्यालय स्थापना appeared first on Jhapa Online.